ژیانێكی رێكخراو
پێشنیاری ته‌لارسازیی داهێنه‌رانه بۆ دیزاینی پنتهاوس
1. ناوچه‌كانی پنتهاوس و باشتركردنی دیزاین:
پنتهاوسه‌كه له چوار ناوچه‌ی پێكه‌وه به‌ستراو پێكهاتووه-چێشتخانه، ژووری نوستن، ژووری دانیشتن، ناوچه‌ی پیاده‌ڕه‌و-كه به‌شێوه‌یه‌كی ورد رێكخراوه بۆ مه‌به‌ستی ئاسوده‌یی و فراوانی. له‌سه‌ر بنه‌مای فیدباكی خاوه‌ن زه‌وییه‌كه دیزاینه‌كه باشتر كراوه، نه‌خشه‌كه په‌نجه‌ره‌ی سكه‌ی زیاده له خۆ ده‌گرێت، ئه‌وه ڕووناكی سروشتی و دیمه‌نه پانۆرامییه‌كان باشتر ده‌كات.
2. ژێرخان و خاڵه‌كانی ده‌ستپێگه‌یشتن:
پنتهاوسێك كه بۆ خۆی هه‌موو پێداویستییه‌كانی تێدایه. به‌سیستمی خزمه‌تگوزاری تایبه‌ت به خۆی جیاده‌كرێته‌وه-كاره‌با، ئاو و ئاوه‌ڕۆ-كه به چه‌قی بیناكه‌وه به‌ستراونه‌ته‌وه. ده‌توانریت له نهۆمی سێهه‌مه‌وه له ڕێگه‌ی ئه‌سانسۆرێكه‌وه بگه‌یت به پنتهاوسه‌كه، هه‌روه‌ها له ناوه‌وه له نزیكی ده‌سشۆره‌كه‌وه له ڕێگه‌ی ئه‌سانسۆرێكی دیكه‌وه پێی بگه‌یت، هه‌روه‌ها پلیكانه‌ی ده‌ره‌كیشی هه‌یه وه‌ك ڕێگه‌یه‌كی چوونه ژوو‌ره‌وه‌ی ئه‌لته‌رناتیڤ.
3. ژیانی وه‌زیفی و كۆنتڕۆڵكردنی كه‌شوهه‌وا:
ژووی دانیشتن وه‌ك فه‌زایه‌كی مه‌ركه‌زییه، ئه‌وه‌ش ڕێگه ده‌دات به چوونه نێو ناوچه جیاوازه‌كان و دیمه‌نێك كه به‌دوو لادا به‌سه‌ر ده‌ریادا ده‌ڕوانێت. په‌نجه‌ره وزه به‌كارهێنه‌ره‌كان ڕۆڵیان هه‌یه له هاوسه‌نگكردنی ئاسوده‌یی له سه‌رانسه‌ری وه‌رزه‌كاندا. چێشتخانه‌كه كه بۆ پێنج كه‌س دیزاینكراوه، ئامێره‌كان و نه‌خشه‌ی كه‌لوپه‌لی نمونه‌یی له‌خۆده‌گرێت به مه‌به‌ستی جوڵه‌یه‌كی ئاسان.
4. گه‌رماو، جه‌وی شه‌وانه، ئاسووده‌یی له ژووری نوستندا:
توانای ده‌ستگه‌یشتن به حه‌مامی هاوبه‌ش، جه‌وی ژوورێكی نوستنی به باشی ڕووناك بووه‌وه له ڕێگه‌ی به‌كارهێنانی ڕووناكه‌ره‌وه‌ی ناڕاسته‌وخۆ و ئیناره‌كانه‌وه، له‌گه‌ڵ په‌رده‌یه‌كی ده‌ره‌كی شه‌فافدا ده‌سته‌به‌ری ئاسوده‌یی و سه‌رنجڕاكێشی جوانكاری ده‌كه‌ن. ئه‌رزی، كه‌لوپه‌لی ناوماڵه‌كه، ڕه‌گه‌زه‌كانی دیزاینی ورد پابه‌ندن به نه‌خشه‌یه‌كی گشتگیر و پێداویستییه‌كانی تایبه‌ت به دابه‌شكاری ناوچه‌كه.
5. جێبه‌جێكردنی پنتهاوسێكی پێشتر دروستكراو له چه‌ند به‌شێك:
به له‌به‌رچاوگرتنی دوو رێڕه‌وی بیناسازی-چوارچێوه نێوخۆییه پۆڵاییه‌كان یان پارچه پێشتر دروستكراوه ده‌ره‌كییه‌كان-پرۆپۆزه‌ڵه‌كه جه‌خت ده‌كاته‌وه له‌سه‌ر خانوویه‌كی پێشتر دروستكراو. ئه‌م ستراكچه‌ره به‌هێزه خۆڕاگری به‌رانبه‌ر بومه‌له‌رزه ده‌سته‌به‌ر ده‌كات، هه‌روه‌ها ده‌بێته هۆی پێشكه‌شكردنی ئاسوده‌ییه‌ك له ئاستێكی به‌رزدا و كاریگه‌ری تایبه‌ت به كاته‌وه به‌شێوه‌یه‌كی به‌رچاو، له هه‌مان كاتدا هاوته‌ریبه له‌گه‌ڵ بنه‌ماكانی دۆستی ژینگه و تێچوویه‌كی كاریگه‌رانه.
6. سیسته‌می عه‌زلی روك ول (خوری به‌ردین):
سیستمی عه‌زلی روك ول جۆره پانێلێك دابین ده‌كات كه چڕییه‌كی گونجاویان هه‌یه به‌شێوه‌یه‌ك توانای گونجانی هه‌یه له‌گه‌ڵ پله‌ی گه‌رمی جیاوازدا له ئه‌سینا. سه‌ره‌ڕای جوانكاری ده‌ره‌كی و پارێزگاریكردن له دژی ڕه‌گه‌زه زیانبه‌خشه‌كان، ئه‌م سیسته‌مه ده‌سته‌به‌ری عه‌زلێكی به‌هێز، عه‌زلی ده‌نگ و به‌رگری له دژی ئاگر ده‌كات.
7. ڕاوێژكاری بۆ جێبه‌جێكردنێكی ئاسان:
ڕاوێژكاری ئه‌ندازیاری ده‌سته‌به‌ری پرۆسه‌ی جێبه‌جێكردنێكی ئاسان، ورده‌كاری ژێرخان، لایه‌نی ئه‌ندازیاری، و ڕێنمایی وردی دروستكردن ده‌كات. ئه‌وه‌ش شاره‌زایی یه‌كخستنی كه‌لوپه‌ل، پێشكه‌شكردنی زانیاری ته‌كنیكی و ئاسانكاریكردن بۆ سه‌ردانیكردنی پێشانگه‌كان ده‌گرێته‌وه بۆ هه‌ڵبژاردنه دروسته‌كان. كاره‌كه‌ی نووسینگه‌ی ئالان له عێراقدا وه‌ك پێشانگه‌ی پرۆژه‌یه‌كی نمونه‌ییه.
